2024 жылғы жаңа сағаттар

Rolex Sky-Dweller
Бейнелену симфониясы

Oyster Perpetual Sky-Dweller жалықпайтын саяхатшылар бағдарды тез табуға мүмкіндік беру үшін жасалған. Ол бейнелену симфониясы арқылы эмоцияларға ұшқын беретін нұсқаларымен сезімдерді қуантады.

Бұл Youtube бейнесін көрсету үшін сіздің келісіміңіз қажет

Rolex Sky-Dweller моделін Jubilee білезігімен жабдықтап, жаңа екі 18-караттық алтын нұсқасын ұсынады. Әлем саяхатшыларына арналған бұл сағатқа бағалы металдан жасалған Jubilee білезігі алғаш рет орнатылды.

Бірінші нұсқа 18-караттық Everose алтынынан жасалған және тегіс циферблатпен ерекшеленеді, ал екінші нұсқасы 18-караттық сары алтыннан жасалып, қанық ақ циферблатты көрсетеді.

Екі Jubilee білезігі әдетте Sky-Dweller моделінде қолданылатын Oysterclasp түймелігімен жабдықталған. Бағалы материалдардан жасалатын көптеген Rolex білезіктері тәрізді, олардың түйінінің ішінде керамикалық ішпек бар.

Sky-Dweller моделі сағат жасау технологиясының алдыңғы қатарында тұратын 9002 калибрімен жабдықталған, бұл күн мен айды, сонымен қатар 24 сағаттық форматта қосымша уақыт белдеуін, сағаттарды, минуттарды және секундтарды көрсетуге мүмкіндік береді.

Тәжірибесі мол

Жиі саяхаттайтын саяхатшыларға арналған талғампаз сағат Sky-Dweller екі түрлі уақыт белдеуінде уақытты бір кезде көрсетеді және жылдық күнтізбесі бар.

Saros деп аталатын жылдық күнтізбе айдың 30-шы және 31-ші күндерін автоматты түрде ажыратады. Ол патенттелген механизммен жұмыс істейді және өзінің инновациялық дисплейімен ерекшеленеді: жылдың айлары көрсеткіш сағат таңбасынан тыс циферблаттың айналасында 12 апертурамен көрсетілген, ағымдағы ай қызылмен белгіленген. Ай-күннің лездік өзгеруі жергілікті уақытпен байланысты.

Oyster корпусы, суға төзімділік символы

Sky-Dweller моделінің 42 мм Oyster корпусы беріктік пен талғампаздықтың үлгісі және 100 метр (330 фут) тереңдікке дейін судың өтпеуіне кепілдік береді. Екі есе суға төзімді жүйемен жабдықталған Twinlock бұрамалы бастиегі корпусқа берік бұрандалады. Күн датасы оңай оқылуы үшін сағат 3-те Cyclops линзасы іс жүзінде сызатқа төзімді жақұт шыныдан жасалған және қос антибликті қаптаумен ерекшеленеді.

Perpetual 9002 калибрі

Sky-Dweller толықтай Rolex компаниясы әзірлеген және жасаған 9002 калибрімен жабдықталған. Ол 2023 жылы шығарылған, модельге сол жылы енгізілді және осы сағатта ғана жабдықталады. Технологияның үздік көрсетілімі, осы автоматтық зауыты бар механикалық механизм дәлдік, қуат қоры, ыңғайлылық және сенімділік жағынан керемет жұмыс өнімділігін ұсынады.

Jubilee білезігі

Sky-Dweller жаңа нұсқалары Jubilee білезігімен жабдықталған. Икемді және ыңғайлы бесқатарлы түйіні бар металл білезік 1945 жылы жасалған Oyster Perpetual Datejust моделі үшін арнайы әзірленген.

Бұл сағаттарда Jubilee білезігі Rolex әзірлеген Oysterlock жиналмалы қауіпсіздік түймелігімен жабдықталған және ұзартылатын Easylink ыңғайлы түйіні бар. Білезікті тағушы оның ұзындығын шамамен 5 мм-ге оңай реттей алады. Сонымен қатар, білезік икемділігін және қызмет ету мерзімін жақсарту үшін түйіндер ішінде бренд әзірлеген патенттелген керамикалық ішпектер бар.

Өте дәл хронометр сертификациясы

Барлық Rolex сағаттары тәрізді, Oyster Perpetual Sky-Dweller моделінде Rolex 2015 жылы қайта бекіткен Superlative Chronometer сертификаты бар. Бұл белгі брендтің шеберханаларынан шыққан барлық сағаттардың Rolex өз зертханаларында өз өлшемдеріне сәйкес жүргізілген бірқатар сынақтардан сәтті өткенін растайды және механизмдер Хронометрлерге ресми сынақ жасайтын швейцариялық институтта (COSC) ресми сертификациядан өтеді.

Іздеуді жалғастырыңыз

Rolex Sky-DwellerБейнелену симфониясы