Rolex GMT-Master II
Байланыстарды қадағалаңыз

Oyster Perpetual GMT-Master II екі түрлі уақыт белдеуінде уақытты бір кезде көрсету үшін жасалған. Берік және функционалды әрі әлем бойынша саяхаттауға арналған мінсіз сағат. 1955 жылы қолданысқа енгізілген GMT-Master сағаты XX ғасырдың екінші жартысында континентаралық саяхаттаудың жылдам дамуының куәсі болды. Ол тіпті сол кездегі ең танымал американдық халықаралық Pan American World Airways әуе компаниясының ресми сағаты болды.

Бұл Youtube бейнесін көрсету үшін сіздің келісіміңіз қажет

Функциясы мен атына сай Oyster Perpetual GMT‑Master II уақыт белдеулері арқылы ұзақ қашықтыққа саяхат сезімін тудырады.

Нағыз “құрал сағат” GMT-Master моделі техникалық өнімділікті арттыру үшін үздіксіз дамып отырды. 1982 жылы Rolex сағат тілін басқа тілдерден тәуелсіз орнатуға мүмкіндік беретін жаңа механизмді ұсынды. Бұл эволюцияны анық көрсету үшін оңтайландырылған механизммен жабдықталған модель, GMT-Master II деп аталды.

Бір құрал, бірнеше уақыт белдеуі

GMT-Master II сағатында ойылған таңбаланған тегерік және ерекше әрі бірден танылатын дизайны бар. Ол әртүрлі қос түсті комбинацияда қолжетімді - төменгі жартысы күндізгі уақытты және жоғарғы жағы түнгі уақытты көрсетеді. Дәстүрлі сағат, минут және секунд тілдері, оның үшбұрыш ұштығы 24 сағаттық тіл мен 24 сағаттық етіп ойылған Cerachrom тегерігі бар екі бағытта айналмалы безельмен GMT-Master II екі түрлі уақыт белдеуін бір уақытта көрсете алады: яғни, жергілікті уақыт және жергілікті анықтамалық уақыт немесе жергілікті уақыт және балама уақыт белдеуінің уақыты.

Ең соңғы GMT-Master II моделі толықтай Rolex компаниясы әзірлеген және жасаған автоматты құлағын бұрап жүретін тетігі бар жаңа буын механизмі - 3285 калибрімен жабдықталған. Технологияның үздік көрсетілімі, ол дәлдік, қуат қоры, ыңғайлылық және сенімділік жағынан керемет жұмыс өнімділігін ұсынады. Сонымен қатар, ол эксклюзивті көк Parachrom шиыршығымен жабдықталған және патенттелген Chronergy шаппалы механизмінен тұрады. Механизмнің қуат қоры шамамен 70 сағатқа дейін жетеді.

Жоғары технологиялық керамика

Cerachrom безелінің тегерігін Rolex компаниясы бір бөлшек ретінде аса төзімді керамикадан жасаған. Бұл жоғары технологиялық материал сызаттарға төзімді және уақыт өте келе өзінің жарқын түстерін сақтайды. Rolex 2013 жылы жаңа жетістікке жетті – өзінің алғашқы екі түсті, бір бөліктен тұратын: бір жағы көк, екінші жағы қара керамикалық безель дискін ұсынды. Бір жылдан соң компания GMT-Master түпнұсқа түстерінде - қызыл және көк түсті Cerachrom тегерігін шығарды. Компания эстетикалық және сапа критерийлеріне сәйкес қызыл керамиканы дайындау үшін жаңашыл зерттеу жұмысын жүргізді.

Осы жылдар бойы Rolex 2018 жылы қоңыр және қара, 2022 жылы жасыл және қара сияқты басқа түс комбинацияларын – корпустың сол жағындағы бастиек мен бұрамалы бастиегі және сағат 9-да күн көрсеткіші бар нұсқада және 2023 жылы сұр және қара түсті ұсынды.

Өте дәл хронометр сертификациясы

Барлық Rolex сағаттары тәрізді, GMT-Master II моделінде Superlative Chronometer сертификаты бар. Бұл белгі брендтің шеберханаларынан шыққан барлық сағаттардың Rolex өз зертханаларында өз өлшемдеріне сәйкес жүргізілген бірқатар сынақтардан сәтті өткенін растайды. Superlative Chronometer мәртебесінің символы жасыл мөрді білдіреді, ол Rolex-тің әр сағатына қосылады және халықаралық бесжылдық кепілдіктікпен бірге жүреді.

GMT Master II

Модельді таңдауы